جوزجان ولایت کې د تدریس شوو دیني عقایدو ازموینه واخیستل شوه
۱۴۴۶/۰۱/۰۳
جوزجان ولایت کې د کور او ښار جوړولو ریاست محترم رئیس مولوي عبدالله فیضان وایي، د دغه ریاست کار کوونکو ته د تدریس شوو دیني درسونو او عقایدو لیکنیزه ازموینه واخیستل شوه.
نوموړی وایي، په جوزجان ولایت کې د کور او ښار جوړولو ریاست اړوند امام او مدرس مولوي فیض الله بوراني له لوري د دعوت او ارشاد محترم ریاست د نصاب مطابق د اونۍ په اوږدو کې تدریس کېږي.
ښاغلی مولوي عبدالله فیضان وایي، دا ازموینه ډېره رڼه او په ارامه فضا کې ترسره شوه چې پایلې به یې وروسته شریکې شي.
هغه وایي، موخه دا ده چې کار کوونکو له دیني اصولو، قوانینو او مقرراتو سره اشنا او خپلې ورځنې چارې د دیني مسایلو په رڼا کې سرته ورسوي.
