تورخم کې د بېرته راستنېدونکو کډوالو لپاره په کمپ کې نورې اسانتیاوې رامنځته کېږي
![picture](/sites/default/files/2024-04/whatsapp_image_2024-04-27_at_10.31.09_am.jpeg)
۱۴۴۵/۱۰/۱۸
د کور او ښار جوړولو وزارت شپه او ورځ هڅې پیل کړي چې د خپلو هېوادوالو لپاره په بېلا بېلو برخو کې ګڼې اسانتیاوې رامنځته کړي.
ننګرهار کې د کور او ښار جوړولو محترم رئیس مولوي محمد نبي سعیدي وایي، درنو هېوادوالو ته د خدماتو وړاندې کولو په لړ کې یې، د تورخم ښارګوټي کې د بېرته راستنېدونکو کډوالو لپاره په ځانګړي شوي کمپ کې د تګ راتګ لارې، عمومي او فرعي واټونو افقي تګ لیکه د بیا ځل لپاره د جوړ شوي تفصیلي پلان مطابق په نښه او معلومات یې نصب کړل.
ښاغلی مولوي سعیدي وایي، دغه راز یې په یاد ښارګوټي کې د اوبو رسولو شبکې د بهتره تطبیق لپاره د کلیو پراختیا محترم ریاست مسؤلینو ته لازمې مشورې ورکړې، تر څو یاده شبکه د پلان مطابق پلي شې.
نوموړی وایي، د ننګرهار ولایت د کور او ښار جوړولو ریاست تخنیکي ټیم هر ورځ د نوموړي ښارګوټي له ودانیزو او رغنیزو چارو په وقفه یی ډول څارنه کوي.