تورخم سیمه کې د شته بازار تفصیلي پلان وکتل شو
۱۴۴۶/۰۸/۲۰
د کور او ښار جوړولو وزارت محترم سرپرست وزیر الحاج شیخ حمدالله نعماني، تورخم سیمه کې د شته بازار په اړه جوړ شوی تفصیلي پلان وکاته.
دغه راز، ښاغلي سرپرست وزیر د تورخم اوسني بازار ته نږدې د ډکې سیمې په اړه د معلوماتو غوښتنه وکړه او په ټوله کې یې ماسټر پلان ته وڅېړه.
نوموړي د تورخم بازار د اوسني وضعیت، ستونزو، حل لارو، د ځمکې مساحت او نورو اړخونو په تړاو له اړوندو مسؤلینو وپوښتل.
ټاکل شوې چې، د تورخم اوسني بازار د ستونزو حل، اسانتیاوو رامنځته کولو، پراختیا او نورو ګټورو چارو لپاره عملي ګامونه پورته شي.
د ریاسة الوزرا محترم عالي مقام له لوري د یوې کمېټې په مشرۍ کې د کور او ښار جوړولو وزارت محترم سرپرست وزیر الحاج شیخ حمدالله نعماني ته دنده سپارلې چې، د تورخم بازار په اړه عملي ګامونه پورته کړي.
د کور او ښار جوړولو وزارت هڅه کوي چې، ژر تر ژره د تورخم بازار شته ستونزې حل شي.
