تطبیق کوونکو مراجعو ته د ښاري پلانونو د ور سپارلو بهیر کې اسانتیا رامنځته کېږي
۱۴۴۴/۱۱/۱
د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني په مشرۍ د مشورتي بورد په ناسته کې د بېلا بېلو اداري او تخنیکي مسایلو په اړه خبرې اترې وشوې.
په دغه ناسته کې، تطبیق کوونکو مراجعو ته د ښاري پلانونو د ور سپارلو بهیر پر اسانتیا، د حق الزحمه اخیستلو، د ریاستونو د مهمو اړتیاوو پوره کولو او د نقشو د ویزه کولو کمېسیون د پرېکړو د څار په اړه نظرونه تبادله شول.
د ښاري چارو محترم مرستیال وویل، د ریاستونو د مهمو اړتیاوو د پوره کولو لپاره اجراات کېږي او یوې کمېټه یې جوړه او مؤظف وګرځوله، تر څو یو میکانیزم جوړ کړي، چې له مخې یې د حق الزحمې اخیستلو او تطبیق کوونکو مراجعو ته د ښاري پلانونو د ور سپارلو بیهر اسانه شي.
