بلخ کې د کور او ښار جوړولو وزارت له لوري د کار کوونکو د ظرفیت لوړولو پنځه ورځنی ورکشاپ پیل شو
۱۴۴۷/۰۳/۲۲
د کور او ښار جوړولو وزارت د کار کوونکو چارو ریاست په نوښت د شمال زون (بلخ، سمنګان، سرپل، فاریاب او جوزجان) ولایتونو د کور او ښار جوړولو ریاستونو د کار کوونکو لپاره د ظرفیت لوړولو پنځه ورځنی ورکشاپ پیل شو.
د کور او ښار جوړولو وزارت د کار کوونکو چارو ریاست محترم رئیس مولوي عبدالولي ارکاني وایي، دغه روزنیز ورکشاپ چې د بلخ ولایت په مزار شریف ښار کې پیل شو، موخه یې دا ده چې د یادو ولایتونو د ریاست د مسلکي ټیمونو او کار کوونکو مسلکي او تخصصي مهارتونه لا لوړ شي.
په ورته وخت کې، د کار کوونکو چارو ریاست د ښوونې او د ظرفیت لوړونې امریت محترم امر پښتون مراد وایي، په ورکشاپ کې به ګډونوال د تخنیکي سروې، د غیرپلاني ساحو د پراختیايي پلان جوړولو، د ودانیو ډیزاین، د کار کوونکو ارزونې او د استخدام د پروسې پر برخو عملي او نظري زده کړې ترلاسه کړي.
د کور او ښار جوړولو وزارت په وروستیو کې د هېواد په بېلابېلو ولایتونو او زونونو کې د د خپلو کار کوونکو د کاري ظرفیت لوړولو په موخه د روزنیزو پروګرامونو د پراخولو هڅې پیل کړي دي، چې تمه ده ورسره به د کار کوونکو مسلکي ظرفیت لوړ، ښاري پراختیايي.
