بلخ ولایت کې د خپل سرو ودانیو مخنیوی وشو
۱۴۴۶/۳/۲۲
په بلخ ولایت کې د کور او ښار جوړولو ریاست محترم رئیس مولوي عین الدین حامد وایي، د ریاست اړوند تخنیکي ټیم لخوا یې د هغو هټیو د جوړېدو مخنیوی وشو، چې په غیرې قانوني توګه د نقشې خلاف جوړېدې.
د بلخ ولایت د کور او ښار جوړولو ریاست د انجنیرۍ امریت وایي، د دې ریاست د تخنیکي ټیم لخوا د یاد ولایت په دولت اباد ولسولۍ کې، د پنبې او غوړیو د تصدۍ په ملکیت کې د جوړېدونکو هټیو له ودانیزو چارو یې څارنه وکړه، چې د یادو هټیو کار د ویزه شوې نقشې خلاف روان و.
اوسمهال یادې چارې ځنډول شوي او د تخنیکي ټیم لخوا قراردادي شرکت ته لازمې سپارښتنې شوي دي، تر څو کارونه د ویزه شوې نقشې مطابق ترسره شي.
د کور او ښار جوړولو وزارت مرکزي او ولایتي ټیمونه د پروژو له چارو څارنه کوي، تر څو چارې د نقشې مطابق تر سره شي.
