بلخ ولايت کې ۵۰۰ جريبه دولتي ځمکه استرداد شوه
ښار جوړولو او ځمکو وزارت په هېواد کې د دولتي ځمکو د استرداد په لړ کې د بلخ ولايت په نهرشاهي ولسوالۍ کې ۵۰۰ جريبه ځمکه له غاصبينو خلاصه کړې ده.
ياده ځمکه چې پخوا د ځايي زورواکو تر شخصي استفادې لاندې وه، اوس د ښار جوړولو او ځمکو وزارت په زيار ترې د معقولې او موثرې استفادې لپاره زمينه برابره شوه.
ښار جوړولو او ځمکو وزارت تر اوسه په ټول هېواد کې ۱۵۷۴۴ جريبه دولتي ځمکه له غاصبينو خلاصه کړې او ټاکل شوې چې تر دې وروسته هم دې لړۍ ته دوام ورکړي.
