بدخشان کې د دوه ښوونځیو رغنیزې چارې بشپړې شوې
ښارجوړولو او ځمکو وزارت د رغنیزو پروژو د تطبیق په دوام، د بدخشان ولایت د یفتل ولسوالۍ کې په انار درې کلي کې د یو ۱۰ صنفي ښوونځي او په قدق کلي کې د یو ۶ صنفي ښوونځي رغنیزې چارې بشپړې کړې.
د انار درې کلي ۱۰ صنفي ښوونځی په ۶۷۰ متر مربع ځمکه کې په دوه پوړونو د ۲۶ میلیونه افغانۍ په ارزښت او د قدق کلي ۶ صنفي ښوونځی په ۶۴۵ متر مربع ځمکه کې په دوه پوړونو د ۱۹ میلیونه افغانیو په ارزښت جوړیږي.
ښارجوړولو او ځمکو وزارت په ورستیو درې کلنو کې په هېواد کې د ۱۰۳۰ رغنیزو پروژو چارې پیل کړي چې له دې ډلې د ۱۵۰ پروژو چارې بشپړې شوي، ۴۰۰ پروژې تر کار لاندې دي او پاتې یې په سروې، ډیزاین او تدارکاتي مرحله کې دي.
###
