بدخشان ولایت کې د عامې روغتیا ریاست اړوند له پروژو څارنه وشوه
۱۴۴۶/۰۹/۰۳
بدخشان ولایت کې د کور او ښار جوړولو ریاست محترم رئیس مولوي ولي الله الهي وایي، د ریاست اړوند انجنیرانو یې په دغه ولایت کې د عامې روغتیا محترم ریاست اړوند له پروژو څارنه وکړه.
ښاغلی مولوي الهي وایي، دغه څارنه په پروژو کې د کیفیت او معیار خوندیتوب په موخه ترسره شوه.
نوموړی وایي، دمګړۍ هلته ځینې چارې روانې وې چې، نیمګړتیاوې یې په ګوته او د حل لپاره یې اړوندو برخو ته لارښوونه وشوه.
هغه وایي، قراردادي شرکت ته لارښوونه وشوه چې، چارې د تړون سره سمې پر مخ یوسي او په خپل وخت یې سرته ورسوي.
