باميان او دايکنډي ولايتونو کې له ۱۹ زرو څخه زيات کورونه سروې او ثبت شول
ښار جوړولو او ځمکو وزارت د غير رسمي ښاري سيمو د ثبت برنامې په دوام د باميان او دايکنډي ولايتونو په مرکزونو کې ۱۹۵۷۱ کورونه سروې او ثبت کړي دي.
له دې ډلې ۱۲۳۹۲ کورونه د باميان ښار په غير پلاني سيمو کې او ۷۱۷۹ کورونه د نيلي ښار په غير پلاني سيمو کې موقعيت لري.
ښار جوړولو او ځمکو وزارت تر اوسه په کابل، مزارشريف، هرات، ننګرهار، کندهار، فراه، باميان او نيلي ښارونو کې ۷۹۰ زره ۴۴۶ کورونه سروې او ثبت کړي او تر څنګ يې مستحقينو ته د ملکيت ۲۰ زره سندونه هم ويشلي دي.
