ارزګان کې د یو غیرپلاني ودانۍ له جوړېدو مخنیوی وشو
۱۴۴۶/۰۷/۱۲
د کور او ښار جوړولو وزارت له ښاري تخلفاتو د مخنیوي ریاست محترم رئیس مولوي عبدالمنان حقاني وایي، تخنیکي ټیم یې د ارزګان ولایت په ترینکوټ ښار کې څار پیل کړی.
ښاغلی مولوي حقاني وایي، د څار په پایله کې یې د ښار اړوند یوه ساحه کې د غیرپلاني ودانۍ له جوړېدو مخنیوی کړی، چې په خبره یې استوګنیزه ساحه کې سوداګریز مارکېټ جوړېده.
نوموړی وایي، تخنیکي ټیم د یادې ودانۍ مالکینو ته ویلي چې چارې دې د پلان مطابق سرته ورسوي او له ښاري سرغړونو دې ډډه وکړي.
د پلان خلاف په خپل سر د کورونو، سوداګریزو ځایونو او نورو تأسیساتو جوړول ښاري تخلفات دي او باید خلک ترې ډډه وکړي.
