ارزګان کې د خپلسرو تأسیساتو مخنیوی وشو
۱۴۴۶/۰۶/ ۳۰
ارزګان ولایت کې د کور او ښار جوړولو ریاست محترم رئیس مولوي روح الله وایي، د ریاست اړوند تخنیکي ټیم یې د ښاري تخلفاتو مخنیوي په موخه د ارزګان ولایت په بېلا بېلو ساحو کې لیدنې او څارنې کوي.
ښاغلی مولوي روح الله وایي، یاد ټیم یو ځل بیا د ښار د ټولو ناحیو څخه نظارت وکړ او په ښار کې یې د یوې مخالفې چارې مخنیوی وکړ.
نوموړی وایي، د ارزګان ښار کې یوه رهایشي ساحه په خپل سر په سوداګریزه بدلېده، چې دوی یې مخنیوی وکړ او هغه رهایشي نمره چې خلکو په کې هټۍ جوړولې کارونه یې بند کړل شول.
هغه وایي، اړوندو خلکو ته لارښوونه وشوه چې د پلان مطابق او د تخلفاتو د طرزالعمل مطابق ودانیزې چارې پر مخ یوسي.
د کور او ښار جوړولو وزارت هېچاته اجازه نه ورکوي چې خپل سري کارونه وکړي او ښارونه بې نظمه کړي.
