ارزګان ولایت کې د یوې پروژې له چارو څارنه وشوه
۱۴۴۷/۳/۳
ارزګان ولایت کې د کور او ښار جوړولو ریاست محترم رئیس ملا روح الله وایي، د ریاست اړوند مسلکي او تخنیکي ټیم یې په دغه ولایت کې د یوې پروژې له ودانیزو چارو څارنه وکړه.
ښاغلی ملا روح الله وایي، د انجنیرۍ ټیم یې د ودانیزو چارو د نقشې تطبیق او د کیفیت لوړولو په موخه نظارت ترسره کړ.
نوموړی وایي، دغه ټیم، چې د معادن ریاست اړوند د اوبو د یوې ذخیرې په بنسټیزو چارو کې ښکیل دی، د بنسټ(Foundation) د جوړولو په بهیر کې فعالیتونه څارلي دي.
هغه وایي، د انجینرۍ ټیم هدف د اصولو او معیارونو سره سم د ودانیزو چارو ترسره کول دي، چې په تړاو یې د اړوند شرکت مسؤلینو ته لازمې لارښوونې هم وشوې.
د ارزګان ولایت د کور او ښار جوړولو ریاست ټینګار کوي، چې د پروژو د کیفیت د ښه والي لپاره به د ودانیزو چارو څارنه دوام ولري.
