هستوګنیزې سیمې د کور او ښار جوړولو وزارت د طرزالعمل سره سم په سوداګریزو سیمو تعدیلېږي

۱۴۴۴/۱۱/۱۶

د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني په مشرۍ د ښاري نقشو د ویزه کولو (تائیدولو) کمېسیون، په ښاري سیمو کې د تېلو د پمپ سټېشنونو د رامنځته کولو، د سیمو کروکي او سکېچ او په سوداګریزو سیمو د هستوګنیزو سیمو تعدیلولو د څرنګوالي په موخه ناسته وکړه.

په دغه ناسته کې، د پلازمېنې کابل په څلورمه ناحیه کې د تېلو د یو پمپ سټېشن جوړولو په موخه د یو هېوادوال غوښتنه، په غزني ولایت کې د یوې هستوګنیزې سیمې تعدیل په سوداګریزې سیمې او دغه راز په لوګر ولایت کې د ټوکر پلورلو مارکېټ د سکېچ په اړه د نظریاتو تبادله وکړه.

د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني د اړوندو ریاستونو مسؤلینو ته دنده وسپارله، چې کابل کې دې د پمپ سټېشن جوړولو په موخه ځمکه د تفصیلي پلان او د پمپم سټېشنونو رامنځته کولو طرزالعمل مطابق و څېړل شي.

دغه راز ښاغلي مرستیال په غزني او لوګر ولایتونو کې د کروکي او تعدیل برخه کې هم لارښوونه وکړه، چې یاده چاره دې د تفصیلي پلانونو مطابق عملي شي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.