غزني کې د څو بېلابېلو ساختماني پروژو له چارو څارنه وشوه
۱۴۴۵/۱۰/۱۶
د غزني ولایت د کور او ښار جوړولو ریاست محترم رئیس مولوي نورولي بلال متقي وايي، د دې ریاست تخنیکي ټیم په یاد ولایت کې د څو بېلابېلو ساختماني پروژو له چارو څارنه وکړه.
د ښاغلي متقي په وینا، د غزني مرکز کې د بلخ په نوم دروازې له ترمیماتي چارو او د بام د سر د کانکریټ اچولو له چارو دقیقه څارنه وشوه.
نوموړي زیاته کړه، د دې ریاست انجنیرانو د افغانستان بانک څانګه کې د پالنې او ساتنې په برخه کې د ځینو خونو د جوړولو لپاره لومړنی براورد ترسره کړ.
د کور او ښار جوړولو وزارت تخنیکي ټيمونه په مرکز او ولایتونو کې د پروژو له چارو څارنه کوي، تر څو ټولې ودانیزې چارې د نقشې او شرطپاڼې مطابق مخته ولاړې شي.
