شهرک مهاجرین در ولایت لغمان افتتاح شد
۱۴۴۷/۶/۹
محترم الحاج مولوی نجیب‌الله حیات حقانی وزیر شهرسازی و مسکن، ، در مراسم افتتاح شهرک مهاجرین در ولایت لغمان اشتراک ورزید.
در این مراسم محترم مولوی نجیب‌الله حیات حقانی شخصاً اسناد نمرات را به شماری از خانواده‌های نیازمند مهاجر توزیع کرد.
همچنان، وزیر محترم شهرسازی و مسکن پلان تفصیلی شهرک مهاجرین این ولایت را نیز منظور نموده و جهت تطبیق به جانب مقابل سپرد.
خانواده‌های نیازمند که از کشورهای همسایه برگشته‌اند، خوشحال‌اند که از طرف امارت اسلامی افغانستان، به رهبری وزارت شهرسازی و مسکن کمیته اسکان دائمی، برایشان نمرات توزیع می شود.
وزارت شهرسازی و مسکن، پلان تفصیلی این شهرک را تکمیل نموده و پس از امضا برای تطبیق، به محترم مولوی حسین‌احمد تیلوی، رئیس شهرسازی و مسکن ولایت لغمان، ، تسلیم کرد.
این پلان برای ساحۀ کافرگله ترتیب شده و در ۱۰۵۰ جریب زمین تطبیق می‌شود که ۸۸۲ نمرهٔ رهایشی دارد و به دیگر سهولت‌های زندگی نیز توجه کامل صورت گرفته است.
کار تطبیقی این پلان را وزارت شهرسازی و مسکن خود به پیش می‌برد و همزمان سرک‌ها، راه‌ها، کوچه‌ها، آب نوشیدنی و سایر خدمات عامه از بودجه داخلی امارت اسلامی افغانستان عملی می‌گردد.
