میدان وردګ ولایت کې د ښاري تخلفاتو مخنیوي په موخه ناسته وشوه
۱۴۴۶/۰۶/۲۲
میدان وردګ ولایت کې د کور او ښار جوړولو ریاست محترم رئیس مولوي عبدالقیوم سیف العمر وایي، په دغه ولایت کې یې د ښاري تخلفاتو پېژندو او مخنیوي په موخه له اړوندو ادارو سره ناسته وکړه.
ښاغلی مولوي سیف العمر وایي، دغه ناسته د دوی په وړاندیز، د میدان وردګ ولایت د محترم والي قاري معاذ بختیار په مشرۍ او د اقتصاد محترم ریاست، صنعت او سوداګرۍ محترم ریاست، ښاروالۍ محترم ریاست، اطلاعات او فرهنګ محترم ریاست او د چاپېریال ساتنې محترم ریاست په ګډون ترسره شوه.
نوموړی وایي، په ناسته کې د ښاري تخلفاتو پېژندو او مخنیوي پر لارو چارو بحث وشو او زیاته شوه، چې د پلان خلاف ښاري چارې بېلا بېلې ټولنیزې، اقتصادي، چاپېریالي ستونزې رامنځته کوي.
د ناستې په دوام خبرې وشوې، چې د تعدیل او فورم تغیر اړتیا په صورت کې تر هغې چې د کور او ښار جوړولو وزارت د محترم مقام څخه حکم اخیستل کېږي او قانوني پړاونه یې سرته رسېږي، چارې دې یې وځنډول شي.
