د کور او ښار جوړولو وزارت په پخوانیو پروژو کې د ستونزو د حل او لا زیات شفافیت رامنځته کولو په اړه خبرې وشوې
02/03/1445
د کور او ښار جوړولو وزارت په پخوانیو پروژو کې د لا زیات شفافیت رامنځته کولو په موخه جوړې شوې کمېټې خپلې لومړنۍ موندنې د دغه وزارت له محترم سرپرست وزیر شیخ حمدالله نعماني سره شریکې کړې.
دغه کمېټه، د کور او ښار جوړولو وزارت په غوښتنه جوړه شوې، چې په کې د کورنیو چارو وزارت، عدلیې وزارت، د چارو ادارې او د فرامینو د څار او پلي کېدا ادارې محترم استازي شامل دي.
د پلټنې دغې کمېټې د کور او ښار جوړولو وزارت له محترم سرپرست وزیر شیخ حمدالله نعماني سره د خپلو فعالیتونو او پلټنو په اړه لومړني معلومات شریک کړل او په ځینو برخو کې یې د لا زیاتې همکارۍ غوښتنه وکړه.
په دغه لومړنۍ ناسته کې خبرې وشوې، چې څنګه کېدای شي د پروژو ستونزې حل او لا زیات شفافیت رامنځته شي.
د ناستې په دوام، د کور او ښار جوړولو وزارت محترم سرپرست وزیر شیخ حمدالله نعماني د کمېټې غړو ته اړوندې لازمې لارښوونې وکړې، چې په عملي کېدا سره به یې د ستونزو په ختمولو کې رغنده رول ولوبوي.
د کور او ښار جوړولو وزارت هڅې پیل کړي، چې د دغه وزارت په تېرو پروژو کې شفافیت رامنځته، ستونزې ختمې او د انډولیزې پراختیا او ودې لپاره زمینه برابره کړي.
_____________________
د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️
WhatsApp:
https://chat.whatsapp.com/FnOgiA7hU1H3y1w3FrV0uh
Malgari:
https://www.malgari.com/?cache=1673066126#
YouTube channel:
Tel:
Web:
FB page:
https://www.facebook.com/MUDH-2303368453279461/
نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.
