د ښار جوړولو او ځمکو وزارت لخوا د ۸ دولتي تعمیرونو د انجنیرۍ شبکو پر طرحه او ډیزاین کار روان دی
د ښار جوړولو او ځمکو وزارت د روان لمریز کال په وروستۍ ربع کې د ۸ دولتي ودانیو د انجنیرۍ شبکو پر طرحې او ډیزاین کار روان کړی.
د دغه طرحو پر اساس به د یادو ودانیو او تعمیرونو د انجنیرۍ شبکې معیاري جوړې شي.
په دغه د تعمیرونو د تخنیکي شبکو د سیستم طرحه او ډیزاین چارو کې، د هستوي انرژۍ د مرکزي ادارې یو منزله تعمیر شامل دی ، او دغه راز د ملي شورا د فوارې شبکې سیستم ، د امنیتي ځواکونو د لیلیې تعمیر او په سینمای پامیر کې د پلتنې خونې د زرهي دروازې سیستم شامل دي.
پر دې سربېره د تفتیش او پلټنې عالي ادارې د رادیو اکتیف فاضله موادو د ذخیرې سیستم ، د د افغانستان بانک د برښنا سیستم او دغه راز د عدلیې وزارت د ادیتوریم شبکې سیستم باندې کار روان دی.
