رقم سروی و ثبت زمین های دولتی در ولایت جوزجان از 248 هزار جریب گذشت
وزارت شهرسازی و اراضی در ادامه تطبیق برنامه بانک زمین دولتی در کشور؛ 248636 جریب زمین و املاک دولتی را در 262 قطعه در مربوطات ولایت جوزجان سروی و ثبت نموده است.
از این رقم 194590 جریب زمین سفید دولتی و 54046 جریب ملکیت های عامه تحت استفاده ادارات دولتی در مرکز و ولسوالی های مختلف این ولایت می باشد.
وزارت شهرسازی و اراضی در جریان سه سال اخیر، حدود 6.5 میلیون جریب زمین دولتی و ملکیت های تحت استفاده دولت را سروی و ثبت کرده است.
