د فاریاب ولایت په میمنه ښار کې د مسجد شریف له ودانیزو چارو څارنه ترسره شوه
۱۴۴۷/۱۰/۱۸
د فاریاب ولایت د کور او ښار جوړولو اړوند تخنیکي ټيم د میمنې ښار د ملکي هوايي ډګر آمریت اړوند د مسجد شریف د ودانیزو چارو له روان بهیر څخه ساحوي څارنه ترسره کړه.
د څارنې په ترڅ کې څرګنده شوه، چې د مسجد شریف ساختماني چارې د منظور شوې نقشې او انجنیري معیارونو مطابق پر مخ روانې دي. تخنیکي ټیم د پروژې بېلابېلې برخې له نږدې وکتلې او د کار کیفیت یې وارزاوه.
د نظارت پر مهال، د قراردادي شرکت مسؤلینو ته لازمې لارښوونې وشوې، چې له مخې یې باید د پروژې پاتې چارې هم د نقشې او انجنیري اصولو سره سم بشپړې کړي او د کار په هر پړاو کې نظارتي انجنیران په جریان کې وساتي.
همدارنګه ټینګار وشو، چې د پروژې چارې دې په منظم او معیاري ډول پر مخ یووړل شي، تر څو ټاکل شوې پایلې په غوره کیفیت سره ترلاسه شي.
