د تېلو پمپ سټېشنونه دې د هېواد په کچه له کړنلارې او لارښود سره سم جوړ شي
30/04/1445
د کور او ښار جوړولو وزارت د ښاري چارو محترم مرستیال شیخ مدارعلي کریمي بامیاني په مشرۍ د ښاري نقشو د ویزه کولو کمېسیون د خپلو غړو په ګډون ناسته وکړه.
په دغه ناسته کې، په تخار او هلمند ولایتونو کې د تېلو پمپ سټېشنونو د جوړولو په تړاو او دغه راز د زابل په مرکز قلات کې د یو پمپ سټېشن د فعالیت دوام څرنګوالي په اړه خبرې وشوې.
د ښاري چارو محترم مرستیال وویل، د هېواد په کچه د تېلو پمپ سټېشنونه دې له کړنلارې او لارښود سره سم چې په دې وروستیو کې د کور او ښار جوړولو وزارت د متخصصینو او انجنیرانو له لوري جوړ شوي او د کور او ښار جوړولو وزارت محترم مقام تائید کړي، رامنځته شي.
ښاغلي بامیاني وویل، په جوړې شوې کړنلارې او لارښود کې د هېواد په کچه د تېلو پمپ سټېشنونو د جوړولو په اړه ټول شرایط او اصول په پام کې نیول شوي دي.
د ناستې په دوام، پرېکړه وشوه چې د تخار ولایت په خواجه غار ولسوالۍ کې دې د تېلو پمپ سټېشن هغه مهال جوړ شي،چې کرنیزې ځمکې او زرغونو ساحو ته په کې زیان نه وي او دغه راز یې په هلمند کې د تېلو پمپ سټېشن ته په مشروط ډول اجازه ورکړه، چې ټولې چارې به بشپړوي.
په قلات کې د تېلو پمپ سټېشن د دوام په اړه پرېکړه وشوه چې څښتن به یې د ځمکې تعدیل لپاره لاس په کار کېږي، ځکه یاده ساحه په پلان کې زرغونه ثابته شوې ده او تر څو یې چې د تعدیل چارې سرته نه وي رسولې د دوام اجازه ورکړل شي.
_____________________
د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️
WhatsApp:
https://chat.whatsapp.com/FnOgiA7hU1H3y1w3FrV0uh
Malgari:
https://www.malgari.com/?cache=1673066126#
YouTube channel:
Tel:
Web:
FB page:
https://www.facebook.com/profile.php?id=100087195086592
نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.
