په کور او ښار جوړولو وزارت کې د یو باب مسجد شریف د بنسټ ډبره کیښودل شوه

۱۴۴۵/۴/۷

د کور او ښار جوړولو وزارت په انګړ کې د دې وزارت د محترم سرپرست وزیر شیخ حمدالله نعماني، د ښاري چارو محترم مرستیال شیخ  مدارعلي کریمي بامیاني، د محترمو رئیسانو او مسؤلینو په شتون کې د یو باب مسجد شریف د بنسټ ډبره کېښودل شوه.

د کور او ښار جوړولو وزارت محترم سرپرست وزیر د مسجد شریف د بنسټ ډبرې د ایښودو په مهال وویل، مسجدونه په اسلام کې خپل ځانګړی ځای لري، چې په وزارت کې د مسجد په جوړېدو سره به دلته د لمانځه تر څنګ نورې دیني چارې او تبلیغ هم مخته وړل کیږي.

ښاغلي نعماني وویل، د دې مسجد شریف د بنسټ ډبرې په ایښودو مو په دیني برخه کې خپل مسؤلیت تر یو بریده اداء کړ.

نوموړي د وزارت کار کونکو او مسؤلینو ته وویل، هر څوک دې خپلې دندې په اخلاص او ښه نیت مخته یوسي او د الله ج رضا دې په پام کې ونیسي.

په ورته وخت کې د ښاري چارو محترم مرستیال وویل، د دې مسجد شریف د بنسټ ایښودل د عبادت او بنده ګۍ په لاره کې یو ستر ګام دی، چې مسجد د بشریت د پرمختګ او عزت بېلګه ده.

د کور او ښار جوړولو وزارت د ارشاد او دعوت رئیس محترم مفتي عبدالاحد حقاني وویل، مسجد د الله (ج) د بنده ګۍ او عبادت ځانګړی ځای دی، چې د الله (ج) احکام او فرمانونه له مسجد سرچینه اخلي.

نوموړي وویل، مسجد شریف جوړول او په جوړولو کې یې ونډه اخیستل د مسلمانانو د ایمان له نښو څخه دي چې موږ باید په دې برخه کې خپل مسؤلیت اداء او ونډه ولرو.

یاد مسجد د اودسونو ځانګړي ځای لرلو سربېره په درېو پوړونو کې جوړیږي چې په یو وخت به د زر کسانو لمونځ کونکو ظرفیت ولري.
_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.