په غزني ولایت کې د رشیدانو ولسوالۍ د اداري تعمیر پروژې له چارو څخه څارنه ترسره شوه
۱۴۴۷/۱۱/۹
د غزني ولایت د کور او ښار جوړولو ریاست اړوند تخنیکي او نظارتي ټیم له لوري، د دغه ولایت د رشیدانو ولسوالۍ د ودانۍ له روانو چارو څخه څارنه ترسره شوه.
د څارنې په مهال په ساحه کې ځینې لومړنۍ چارې ترسره شوې، چې د ابادۍ په پیاوړتیا او پرمختګ کې مهم رول لوبوي او بنسټ پیاوړی کوي.
همدارنګه، قراردادي شرکت ته د خاورې د تراکم معیاري تطبیق او د پایپونو د غځولو په اړه لازمې لارښوونې وشوې، څو پاتې چارې د تخنیکي اصولو او منظور شوو معیارونو سره سم پر مخ لاړې شي.
د ودانیزو پروژو منظمې څارنې د کار د کیفیت د تضمین، د معیارونو د رعایت او د معیاري تطبیق لپاره مهمې بلل کېږي.
د کور او ښار جوړولو وزارت، هڅې کوي، چې په ودانیزو چارو کې معیار په پام کې ونیول شي او ټولې چارې د منل شوې نقشې او شرطپاڼې مطابق ترسره شي.
