غزني کې د ښاري تخلفاتو مخنیوي په موخه له یو شمېر سیمو لیدنه وشوه
![انځور](/sites/default/files/2024-05/whatsapp_image_2024-05-15_at_9.47.53_am.jpeg)
۱۴۴۵/۱۱/۶
د کور او ښار جوړولو وزارت هېچاته اجازه نه ورکوي چې د پلان خلاف ودانیزې او رغنیزې چارې سرته ورسوي.
د غزني ولایت د کور او ښار جوړولو ریاست محترم رئیس مولوي نور ولي بلال متقي وایي، د ریاست اړوند تخنیکي ټیم یې د غزني ښار په بېلا بېلو سیمو کې د یو شمېر نویو جوړېدونکو ودانیو له چارو لیدنه او څارنه وکړه.
ښاغلي متقي وویل، د غزني ښار په دویم او درېیم پلان کې د یو سوداګریز مارکېټ او دوه هستوګنیزو نمرو له چارو څارنه وشوه او د ښاري تخلفاتو د مخنیوي په موخه د ملکیت مالکینو ته لازمې لارښوونې او سپارښتنې وشوې.
د کور او ښار جوړولو وزارت د ټول هېواد په کچه د ښاري تخلفاتو مخنیوي په موخه د ښارونو له بېلا بېلو ځایونو لیدنه او څارنه کوي، ترڅو ښاري وده او پراختیا د نقشې او پلان مطابق ترسره شي.