د نیله باغ پروژې د عملي چارو پر پیل خبرې وشوې
۱۴۴۵/۹/۲۱
د کور او ښار جوړولو وزارت محترم سرپرست وزیر شیخ حمدالله نعماني په خپل کاري دفتر کې د چین هېواد د دولتي تصدۍ او کابل کې د چینایي پروژې له مسؤل سره وکتل.
په دغه لیدنه کې د نیله باغ پروژې چې چارې یې د چین هېواد په بلاعوضه مالي لګښت تر سره کیږي، په اړه خبرې وشوې.
د چین هېواد د تصدۍ او په کابل کې د نیله باغ پروژې مسؤل وویل، چمتو دي چې د پروژې رغنیزې چارې پیل کړي او تمه لري چې په شاوخوا درې کالونو کې به یې چارې بشپړې او ګټې اخیستنې ته وسپاري.
د کور او ښار جوړولو وزارت محترم سرپرست شیخ حمدالله نعماني، چینايي لوري ته د بشپړې همکارۍ ډاډ ورکړ او زیاته یې کړه، چې د پروژې چارې به د تړون سره سمې پر مخ ځي او د رامنځته کېدونکو ستونزو د حل لپاره به ګډې هڅې روانې ساتي.
د نیله باغ هستوګنیزه پروژه چې چارې د تېرو څو کالونو راهیسې ځنډېدلې وې، اوسمهال د ستونزو حل کېدو سره سم زمینه برابره شوې چې عملي چارې یې بېرته پیل شي.
