د انډولیزې ښاري ودې او پراختیا او د ستونزو د حل په موخه د کور او ښار جوړولو وزارت د ولایتي رئیسانو ترمنځ ستره ناسته رابلل کېږي
۱۴۴۴/۱۱/۲۴
د کور او ښار جوړولو محترم سرپرست وزیر شیخ حمدالله نعماني، د دغه وزارت د پکتیا محترم رئیس مولوي عبیدالله رشاد، د بغلان محترم رئیس مولوي محمد داؤد نقشبندي او د سمنګان محترم رئیس مولوي محمد امین نوري سره وکتل او په یادو ولایتونو کې د شته ښاري ستونزو، پلانونو او اقداماتو په اړه یې خبرې وکړې.
د یادو ولایتونو رئیسانو د نورو ټولو ولایتونو په استازولۍ له محترم سرپرست وزیر څخه په بېلا بېلو برخو کې له همکارۍ مننه وکړه او په خپلو ولایتونو کې یې د شته ستونزو د حل او پرمختګ په موخه ځینې وړاندیزونه وکړل.
د کور او ښار جوړولو وزارت محترم سرپرست وزیر شیخ حمدالله نعماني د ښاروالیو او د کور او ښار جوړولو وزارت ترمنځ د دندو په تفکیک او د پلانونو پر اغېزمن تطبیق لازمې لارښوونې وکړې او زیاته یې کړه، جې په نږدې راتلونکي کې به د ټولو ولایتي رئیسانو په ګډون یوه ستره غونډه راوبلي.
په دغه غونډه کې به، په ولایتونو کې د شته ښاري ستونزو، ننګونو، حل لارو او وړاندیزونو په تړاو خبرې وشي.
د کور او ښار جوړولو وزارت هڅې پیل کړي، چې د هېواد په کچه ټولو ښارونو کې انډولیزه وده او پراختیا رامنځته او ټولې چارې د پلان او نقشې مطابق پلې شي.
دغه وزارت له ټولو هېوادوالو غوښتنه کوي، چې خپلې رغنیزې چارې دې د پلان مطابق پر مخ یوسي او له خپل سریو دې ډډه وکړي.
_____________________
د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️
WhatsApp:
https://chat.whatsapp.com/FnOgiA7hU1H3y1w3FrV0uh
Malgari:
https://www.malgari.com/?cache=1673066126#
YouTube channel:
Tel:
Web:
FB page:
https://www.facebook.com/MUDH-2303368453279461/
نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.
