د کور او ښار جوړولو وزارت انجنیرانو ته د ښوونیز سیمینار تصدیق پاڼې وویشل شوې
1444/3/21
د کور او ښار جوړولو وزارت د همغږۍ د مسؤلینو لخوا هغو انجنیرانو ته تصديق پاڼې وویشل شوې، چې د چین هېواد لخوا په انلاین ډول د (18) ورځو لپاره د یاد وزارت انجنیرانو ته په لاره اچول شوی و.
محترم سید عبدالحق رحمتیار د کور او ښار جوړولو وزارت د دفتر رئیس د تصدیق پاڼو د ویش په غونډه کې یې ګډون کړی و وویل چې یاد سیمینار د دې وزارت انجنیرانو لپاره ډیر ګټور دی او هیله یې وښوده چې په کاري حوزه کې به لا ښه والی راشي.
د دې سیمینار همغږي کونکي محترم صدیقي وویل چې په دې سیمینار کې د ښاري زیربنا په برخه کې په لوړه کچه زده کړې ور کړل شوي چې عملاً د کور او ښار جوړولو وزارت د انجنیرانو د وړتیا لپاره ډیر ګټور دی.
عمدارنګه د دې وزارت د ظرفیت لوړونې مسؤل محترم پښتون مراد وویل چې په دې سیمینار کې په لوړه کچه زده کړې ور کړل شوي او د دې سیمینار د ګډونکو یې وغوښتل چې په دې برخه کې خپلو نورو همکارانو ته هم لارښونه وکړي تر څو له کم وخت نه ډیره ګټه پورته شي.
همدارنګه د دې سیمینار ګډون کونکي وویل چې یاد سیمینار د ښاري زیربنا برخه کې د دوی لپاره ډیر ګټور و.
