وزارت شهرسازی و اراضی به مشکلات شهروندان رسیدگی می‌کند
28/12/1443
محترم مولوی حمدالله نعمانی سرپرست وزارت شهرسازی و اراضی، با تعدادی شهروندان از چندین ولایت دیدار کرده و جهت حل مشکلات‌شان با آن‌ها صحبت کرد.
در این دیدار، شهروندان که از ولایت‌های مختلف کشور آمده بودند چالش‌ها و مشکلات فراراه شان را با سرپرست وزارت شهرسازی و اراضی، مطرح کرده و در زمینه خواهان همکاری شدند.
محترم مولوی حمدالله نعمانی سرپرست وزارت شهرسازی و اراضی، گفت که حل مشکلات شهروندان در اولویت کاری این وزارت قرارداشته و مسوولین این وزارت به اسرع وقت به مشکلات شهروندان رسیدگی می‌کند.
