د کابل ولایت د موسهي ولسوالۍ د پراختیايي پلان له ساحو څخه څارنه وشوه
۱۴۴۸/۴/۱۰
د کور او ښار جوړولو وزارت د کیفیت، کنټرول او ښاري سرغړونو د مخنیوي عمومي ریاست اړوند د ښاري سرغړونو د مخنیوي ریاست د ولسوالیو د ښاري پراختیايي پلانونو د څارنې آمریت د وزارت د محترم مقام د هدایت له مخې او د دوامدارو څارنو په لړ کې، د کابل ولایت د موسهي ولسوالۍ د پراختیايي پلان له پولیسو، اداري، روغتیايي او ښاري شنو ساحو څخه څارنه وکړه.
د یادې څارنې پر مهال د موسهي ولسوالۍ د پراختیايي پلان له مخې په ځانګړو شویو ځینو ساحو کې یو شمېر ښاري سرغړونې په نښه او تثبیت شوې. د یادو سرغړونو اړوند به د نافذه اصولو او مقرراتو له مخې لازم اجراآت ترسره او په اړه به یې مناسب تصمیم ونیول شي.
د یادې څارنې موخه د پراختیايي پلان د ساحو د وضعیت ارزونه، د ښاري سرغړونو پېژندنه، د خپل سرو او غیرقانوني ودانیو د جوړېدو مخنیوی او د سیمې اوسېدونکو ته د پراختیايي پلان په اړه عامه پوهاوی ورکول دي.
د موسهي ولسوالۍ په ګډون د کابل ښار او ولسوالیو د پراختیايي پلانونو له ساحو څخه څارنې به د ښاري نظم د ټینګښت او د منظور شویو پلانونو د پلي کېدو د ډاډ ترلاسه کولو په موخه دوام ولري.
