Connect with us

د څارنې او مراقبت ریاست

د څارنې او پاملرنې ریاست معرفي، وظیفوي مسولیتونه، فعالیتونه، لاسته راوړنې او راتلونکې پلانونه

افغانستان د نړۍ له هغو هیوادونو څخه یو دی چې د زلزلې په فعال زون کې موقیعت لري، د ودانۍ جوړونې دې چټکې ودې، د ساختماني اړتیا وړ توکیو نه سموالی، د غیر فني او نا مسولو کارګرانو له لوري د ناسمو ودانیو د رغونې  له امله دې ته اړتیا پیښیږي چې ودانیز انجینران له ملي او نړیوالو لارښودي طرزالعملونو څخه په عملي ډګر کې کار واخلي.

د دې تر څنګ اړینه ده چې مسول بنسټونه هیواد ته د ناسمو ودانیزو توکو له راتګ څخه مخنوی وکړي.

نو پر همدې بنسټ د څارنې او پاملرنې ریاست هم مسلکي او متخصص کارکونکونکې د ودانۍ جوړونې په عرصه کې استخدام کړي دي تر څو د ودانۍ جوړونې له رغاونیز بهیر او په ساختمان کې د کاریدونکو توکو له کیفیت او څرنګوالي څخه په کلکه څارنه وکړي.

د څارنې او پاملرنې ریاست ۱۳۸۷ هـ ش کال کې د ښار او کور جوړونې وزارت په چوکاټ کې رامنځته شو تر څو په افغانستان کې نوې جوړیدونکې ودانۍ له ملي او نړیوالو معیارونو او هیوداني اقلم سره سمې په ښه توګه د رغونې په موخه تر څارنې لاندې ونیسي.

رغښتیز چارټ

وظیفوي مسولیتونه:

1-                       د ریاست د کاري پلانونو جوړونه او د هغو د پلې کیدو له بهیر څخه څارنه کول.

2-                       د وزارت له ستراتیژۍ سره سم د څارنې او پاملرنې ریاست د پالیسو تطبیق.

3-                       د وزارت په اړونده  پلې کوونکو او اجرایوي ادارو کې د څارنې او پاملرنې له نورمونو څخه له نړیوالو معیارونو سره  سم د څارنې په برخه کې ګټه اخیستل.

4-                       د پروژې له پیله تر پایه د مصرفي توکو له کیفیت او صحت څخه څارنه تر څو پروژې له معیار سره سمې پلې شې.

5-                       د و زارت اړوند پروژو په اعمار کې وطني لوړ کیفیت لرونکو تولیداتو ته لومړیتوب، د پروژو کیفیت لوړونه، د وزارت د ستراتیژۍ د سمون او د پروژو د طرحو په برخه کې ونډه اخیستل.

6-                       د وزارت د پراختیایي برنامو له پروژو  څخه د څارنې په موخه د لارښودونو او طرزالعملونو اصلاح.

7-                       د وزارت د پروژو په عرصه کې د ښاري او تعمیراتي نقشو د پلې کیدو له بهیره څارنه کول.

8-                       د چارو  د ښې همغږۍ په موخه د کاري پرمختګو د ښودنې لپاره د یوه واحد فارمت تیارول.

9-                       د ښاري، خصوصي او دولتي پروژو د کاري بهیر د څارني په هدف د فني بورډ جوړونه.

10-             په وزارت پورې د تړلیو پروژو فني او تخنیکي چارو پلانول او سمون همدا رنګه د هغو دولتي او خصوصي پروژو له کاري بهیره کلکه څارنه، چې د دې ریاست تر څارنې او پاملرنې لاندې دي

د ۱۳۹۶ کال فعالیتونه او لاسته راوړنې

·        په کابل کې له کد څخه بهر د ۲۶ ودانیزو پروژو څارنه چې ۱۲ پروژې یې بشپړې شوې دي.

·        د ۴۹ کد د ۸۸ انتقالي پروژو څارنه چې اوس مهال د دغو پروژو له ډلې څخه ۵ مکملې شوې دي.

·        په کد کې د ننه او بهر د ټولو پروژو د څارنې په موخه مهال ویش جوړول.

·        د ۹۸ ډیزاین شوو پروژو د تخنیکي نقشو ارزونه هم د دې ریاست له لوري ترسره شوې ده.

·        د انوایسونو د چک او کنټرول په موخه د یوې څانګې رامنځته کول.

·        د ولسمشر له لوري د پرانیستنې په موخه د خواجه رواش استوګنیزو واحدونو لپاره د چک لیست جوړول.

·        د امارتو ښار ګوتي د چک لیست تیارول.

·        له هیواد  څخه بهر د پروژو څارنه ( د افغانستان اسلامي جمهوریت د سفارت خونې د ودانۍ له جوړونې څخه په تاشکند کې نظارت)

·        د بلخ ولایت په حیرتان سیمه کې د غالۍ اوبدونکو له ښار ګوټي څخه نظارت.

·        د کاپیسا ولایت له سل بستریزه روغتون څخه څارنه.

·         د قراردادي شرکتونو ارزونه او ډلبندي.

·        په مرکز او ولایتونو کې د پروژو د څارنې په موخه د فني او تخنیکي کادر استخدام.

·        په ټول افغانستان کې د پروژو د لابراتواري فعالیتونو کنټرول.

·        د ټولو پروژو د ازمایښتي اسنادو چک او ارزونه.

·        د پروژو د جیو تکنیکي او تخنیکي راپورونو چک او ارزونه.

·        د خانګړتیاو له لیست سره سم په معیاري توګه د ساختماني موادو د کیفیت څآرنه او وطني ودانیزو توکو ته لومړیتوب ورکول.

د ۱۳۹۷ کال د لومړۍ او دوهمې ربعې فعالیتونه او لاسته راوړنې

·        په کد د ننه د ۱۰۴ ودانیزو انتقالي پروژو څارنه او پالنه.

·        له کد بهر د ۱۶ ودانیزو پروژو څارنه.

·        د پروژو د مشکلاتو د موندنې او ارزونې په موخه د یوه څارګر ټیم جوړول.

·         ډېری هغه فعالیتونه چې په ۱۳۹۶ کال کې پیل شوي په ۱۳۹۷ کال کې پرمخ بیول کیږي.

راتلونکې پلانونه

·        د کارکونکو ظرفیت لوړونه.

·        د یوه انلاین معیاري سیسټم جوړونه.

·        د پروژو د کیفیت څارنې او  مدیریت لپاره چمتوالی.

·        د څارنې او پالنې د سیسټم معیاري کول.

·        پر لابراتوري کمپنیو باندې د باور ارزونه.