Connect with us

د اطلاعاتو او عامه اړیکو ریاست

د اطلاعاتو او عامه اړیکو د ریاست معرفي، رغښتیزچارټ، وظیفوي مسولیتونه، لاسته راوړنې او راتلونکې پلانونه.

د ریاست لنډه پیژندنه او موخي:

د ښار او کور جوړونې وزارت له بیاځلي تاسیس (۱۳۸۰) کال څخه را وروسته، د یاد وزارت رسنیزې چارې د فتر ریاست له لوري پر مخ بیول کیدلې.

د ښار او کور جوړولو وزارت د دفتر ریاست په چوکاټ کې د نشراتو امریت، به د دغه وزارت د کاري پرمختګونو او لاسته راړنو په تړاو رسنیز فعالیتونه ترسره کول.

په ۱۳۹۰ کال کې د ښار او کور جوړونې وزارت په جوړښت د اطلاعاتو اوعامه اړیکو ریاست ور زیات شو.

د اطلاعاتو او عامه اړیکو ریاست، د ښار او کور جوړولو وزارت له ریاستونو څخه یو مهم ریاست دی چې له خلکو سره د دې وزارت اړیکي ټینګوي.

دغه ریاست د ښار او کور جوړولو وزارت ټولې لاسته راوړنې د ویب پاڼې، خواله (ټولنیزو) شبکو او  د هېواد د بیلابیلو غږیزو او انځوریزو رسنیو په مټ تر خلکو رسوي.

اوسمهالد اطلاعاتو او عامه اړیکو ریاست ۱۵ تنه رسمي او ۱۰ تنه قراردادي کارکونکي لري، د دغه ریاست کارکونکو نږدې ټولو د ماسټرۍ او لیسانس په کچه زده کړې  کړې دي او ورسپارل شوې چاري د دندو له تګلارو سره سمې په پوره دقت او سرعت پر مخ بیایي.

رغښتیز چارټ

 عمومي وظیفوي مسولیتونه:

1.    د ښار او کور جوړونې وزارت د بنسټیزو موخو د لاسته راوړنې په موخه، د وزارت مقام له لارښوونې سره سم د دندو پر مخ بیول.

2.     منظوری په موخه ، د ریاستونو د اړونده  امریتونو د پلانونو او راپورنو تنظم او ترتیب.

3.     د ښاراو کور جوړونی وزارت د پروګرامونو د تطبیق په موخه د عامه اړیکو ریاست د خدماتو اروزونه .

4.    په ریاست پوري د اړونده امریتونو د اجرااتو څارنه او کنټرول.

5.     د ښار او کور جوړونې وزارت د پروګرامونو ( رسنیزکنفرانسونو ، ناستو، غونډو او نورو ارړونده  فعالیتونو ) تنظم او ترتیب، د دې ترڅنګ د دغو برنامو معلومات په ټولنیزو رسنیو کې خپرول .

6.    په دولت، ښار او کور جوړولو وزارت پوري، د اړونده فعالیتونو په باب د سمو مالوماتو د خپرولو په موخه د پالیسو جوړول.

7.    د اطلاعاتي ستراتیژیکو ، عملیاتي ، مالي او کاري کلني پلانونو جوړول او مقام ته د اړونده امریتونونو د ستونزو د حل په موخه وړاندې کول.

8.     د تصیح شویو متونو د سمون په اړه د نظارت مسولیت درلودل او د مقام تائید اخیستل .

9.     د  ښار او کور جوړونې وزارت،  او د اطلاعاتو او عامه اړیکو ریاست د ستراتیژۍ ګانو پلې کول.

10.    د ښار او کور جوړونې وزرات د برنامو په باب د تبلغاتي چارو تنظمیم او ترتیب، او په ټولنیزو رسنیو کې د دغو تبلغاتوخپرول.

11.   له قانون سره سم د نورو اړونده چارو پر مخ بیول.

عمومي فعالیتونه او لاسته راوړنې

الف :- د خپرونو په لړ کې

1-   د ښار او کور جوړونې وزارت د ودانیزو پروژو اړوند د ټولو مهمو فعالیتونو او لاسته راوړنو په باب راپورنه جوړول.

2-   د خبري، پوهنیزو او څیړنیزو خپرونو د تیارولو  په برخه کې د څیړونکو شتون. 

3-    د ښار پرمختیایي مجلې چاپ ول دغه مهالنۍ د ډول ډول نویو اثارو علمي او مسلکي مطالبو او هم انځورونو درلودونکې ده.

4-   د چاپ شوو کتابونو او میاشتنۍ مجلو منځپانګه د وزارت د لاسته راوړنو او او اړونده مطالبو انعکاس ته ځانکړې شوې وه.

5-   د ویب پاڼې او فسبوک پاڼې لپاره د نویو مطالبو تیارول.

6-   د وزارت د لاسته راوړنو او ځینو اړونده انځورونو سره د کلیزې چاپول.

7-   د ښار او ښار زیستۍ او د ودانګرۍ د پراختیا  په برخه کې د معتبرو اثارو خپرول.

8-   د ښار او کور جوړولو وزارت د فعالیتونو د انعکاس په منظور، د کتابونو ، مجلو ، ځانګړې نشریو، بروشرونو ، ساینلیکونو ، بلنلیکونو ، بنرونه، تبلیغاتي پوسټرونو خپرول.

9-   د ښار او کور جوړونی وزارت د بیلا بیلاو پروګرامونو څخه  د تصویرونو اخیستنه

10-       د وزارت ویب پاڼې او ملي راډیو تلویزون ته د کور جوړونې وزارت د اړونده  تصویرونو او ویډیو ګانو ترتیب او تنطیم.

11-    د وزارت د خامو مطالبو تصحیح او په ارشیف کې ساتنه.

12-   د پښتو او انګلیسي ژبو په برخه کې د ژباړې لپاره د متخصصو کسانو استخدام.

13-    د وزارت د ټولو برخو تصدیو، ریاستونو ، پروژو او ولایتي څانګو د مطالبو د زیرمه کولو لپاره د اطلاعاتي بانک جوړول.

14-  ښارجوړونې وزرات د ټولو برنامو لپاره د کنفرانسونو او غونډو ترتیب او تنظیم

15-   د عامه اړیکو ریاست لپاره د ستراتیزیک پلان ترتیب او تنظیم

16-   د پښتو، دري او انګریزي ژبو د مطالبو په مټ د ویب پاڼې بډایه کول.

ب:- د اړیکو برخه :

1-   د وزارت لپاره د نوې ویب پاڼې جوړول.

2-   د ښاراو کور جوړونې وزارت لپاره د نوي فیسبوک پاڼې جوړول.

3-   د وزارت لپاره د تویټر پاڼې جوړول او د دغې پاڼې له لارې په وزارت پورې د اړونده لنډو مطالبو نشر ول.

4-   د وزارت په پاڼو کې د نشر کیدونکو  مطالبو دوامداره ایډیټ او تصحیح.

5-   په رسنیو کې د عامه اړیکو ریاست د ویاند دوامداره  حضور او ګډون، په وخت سره د معلوماتو تشریک.

6-    د ولس د خبرولو په موخه په د وزارت پورې اړونده  سم او او معبتر مالومات په وخت سره  خپرول.

7-   په د وزارت پورې د اړونده پروژو د فعالیتونو په تړاو له غږیزو ، چاپي او انځوریزو رسینوسره مرکې.

8-   د هیواد د کورنیو رسنیو په مټ د ښار او کور جوړونې وزارت د پروګرامونو لپاره د تبلغاتو ترتیب او د هغوی خپرول.

9-    د وزارت په ویترین کې د اعلانونو نصبول.

10-      د ستونزو د حل او اوریدنې په موخه د شکایتونو د را غونډولو لپاره د شکایتونو د صندوق را منځ ته کول

11-      په هیواد کې  دننه او بهر له نورو بنسټونو سره د اړیکو ټینګول.

ج:- تخنیکي ارشیف

1-   د منظم ډیټابیس جوړول.

2-   د تفصیلي پلانونو او ودانیزو نقشو جوړونه او د ښارګوټو مرمت کارۍ.

3-   د نقشو خوندیتوب او سکن کول د سافت په شکل.

د:- د کتابتون برخه

1-      د دولتي اورګانونو نه د بیلا بیلو کتابونو ، مجلو او ورځپاڼو را غونډول

2-      د کتابونو لپاره منظم ډیتابیس جوړول.

      3-   په سیستماتیک ډول د کتابونو ارشیف او ساتنه . 

راتلونکې پلانونه

1-   د ریاست ستراتیژیک پلان پلې کول

2-   د معلوماتو بانک الکترونیکي کول

3-   د رسنیو لپاره مرکزي سرچینه [د نشراتو ارشیف ، ویډییوي، تصویري، ډیجیټلي کتابتون، نقشه]

4-   عمومي نشرات[ مجله، کتاب، اوونیزه، رسنیزه اعلامیه، بروشور، بیلبورډ]

5-   تلویزوني او راډیوي تبلیغات

6-    د وزارت اړونده مقالې په ورځپاڼو او اونیزو کې خپرول

7-    همکارې رسنۍ تقدیرول

8-     د GRM تعقیبول

گزارشونه

د ۱۳۹۷کال په دوهمه ربع کې د اطلاعاتو او عامه اړیکو ریاست کاري رپوټ

د اطلاعاتو او عامه اړیکو ریاست د روان مالي کال په دوهمه ربع کې دغه لاندې فعالیتونه پرمخ بیولي دي.

1-      د ښار او کور جوړونې د وزیر او مرستیالانو د کورنیو او باندنیو سفرنو او ناستو په تړاو په دریو ژبو( پښتو، دري، او انګریزي)  د ۲۳ راپوونو چمتو کول او په ټولنیزو رسنیو کې د دغو رپوټونو خپرول.

2-      په وزارت پورې د اړونده ودانیزو پروژو کاري پرمختګونو په اړه  په دري، پښتو او انګریزي ژبو د پنځو رپوټونو تهیه او نشر ته سپارل.

3-      د ښار او کو رجوړونې د وزیر له هغو لیدنو څخه، چې د قطر، استرلیا، چین، ترکیې، نړیوال بانګ، هندوستان له سفیرانو او د یونسکو سازمان له ټیم سره یې ترسره کړي دي، په دریو ژبو د رپوټونو چمتول کول په ویب پاڼه او نورو ټولنیزو رسینو کې د دغو رپوټونو خپرول.

4-      د ښار او کور جووړنې وزارت مجلې، کتاب، کلیزې، ویب پاڼې او فیسبوک پاڼې ته د نویو مطالبو تیارول.

5-      د ښار او کور جوړونې وزارت لپاره د مجلې، ستاینلیکونو، بلنلیکونو، بنرونو او تبلیغاتي پوسټرونو د طرحې تیارول.

6-      د وزارت د ویب پاڼې او ملي ټلویزیون لپاره د انځوریزو برنامو جوړونه.

7-      په ویب پاڼه او ټولنیزو رسنیو کې، د ښار او کور جوړونې وزارت د کړنو په اړه  د چمتو شویو انځورونو او فلمونو ایډیت او سمون.

8-       د ښار او کور جوړونې وزارت د ودانیزو پروژ د کاري پرمختګونو په باب له انځوریزو، غږیزو او چاپي رسنیو (خورشید او طلوع نیوز ټلویزیونونو، بي بي سي او ازادۍ راډیو ګانو، او ۸ صبح روځپاڼې) سره  د مرکو تر سره کول.

9-        د وزارت په ویب پاڼه کې د خپرولو په موخه، د تصدۍ له ریاستونو، مرکزي ریاستونو، خپلواکو امریتونو او ساختماني پروژو څخه د کاري لاسته راوړنو او کړنو د رپوټونو را ټولول.

10-  د ښاري پراختیا په برخه کې د نړیوالو او کورنیو پانګوالو د هڅونې په موخه د کنفرانسونو تدویر، دغه راز د ښار او کور جوړونې وزارت  د کړنو او لاسته راوړنو د انعکاس په پار د رسنیزو کنفراسونو جوړول.

11-  د ښار او کور جوړونې وزارت د کارکونکو د نیوکو او وړاندیزونو د اوریدنې په پار د شکایتونو د صندوق کتنه.

12-  د دولتي او خصوصي بنسټونو لپاره تر ۷۵ د ډیرو ښارګوټو او ودانیزو ساختمانونو د نقشو چاپ او مرمت کارۍ.

13-  له بیلابیلو دولتي بنسټونو څخه د علمي کتابونو، رسمي جریدو او میاشتنیو مجلو د را ټولونې تر څنګ د دې وزارت د کتابتون په ډیټابیس کې د یادو موادو  ثبتول.

14-  د ویب پانې او نورو ټولنیزو پاڼو د مطالبو دوامداره نوي کول ( اپډیټ).

15-  په ټولنیزو پاڼو کې د ولس نظرونه او پوښتنې ځوابول.