Connect with us

کور جوړول

کور جوړول

د یوه مناسب اوسیدن ځای درلودل اساسي قوانینو، عادي قوانینو، بېلابیلو نړۍ والو سازمانونو او مدني ټولنو پرته له کوم اختلافه د ځانګړي بشري حق په دود منلی دی.

کور، اپارتمان، او یا هرهغه پناه ځای چې انسانان پکې شپې او ورځې تېروي استوګنځی بلل کیږي.

د اوسیدن ځای حق درلودنه په څه ناڅه توپیرسره په بیلا بیلو هېوادونو کې د یوه  بشري حق  په توګه په رسمیت پیژندل شوی، د بیلابیلو هیوادونو په قوانینو کې هم تسجیل شوی او دولتونه پر دې ګومارل شوي چې خپلو اتباعو ته مناسب اوسیدن ځایونه تیار کړي.

د وجهي صندوق د تګلارې مراحل پر مخ  بیول، د لومړي ځل لپاره د خلکو له وس سره د برابرو اوسیدنځایونو په عرصه کې د بهرنۍ پانګونې را جلبول، په دې برخه کې د چین هیواد په مرسته د لس زره استوګنیزو واحدونو د طرحې ایجاد، د قطر هیواد په بلاعوضه مرستو د ۱۰۰۰استوګنیزو واحدونو طرحه جوړونه، هغو کسانو ته چې لږ عاید لري د استوګنځایونو د ورکړي لپارهد امکانات برابرولو په موخه د ملي بانکونو قانع کول، د مسکن ملي برنامه ترتیبول، د مهندسۍ ، انجینیرۍ او د ودانیو د څارنې د سیسټم بشپړول، د UNHCR  په مرسته د بیا را ستنیدونکو او بیځایه شوو لپاره د دایمي مسکن برنامه جوړونه، په افغانستان کې د ښارونو د پراختیا او د مسکن د ایجاد په هدف د بشر د اسکانو شورا د پاملرنې را جلبونې په پار د یادې  نړۍ والې شورا غړیتوب تر لاسه کول.

د نا پلان شوو سیمو د ښې رغونې پالیسۍ بشپړه ول، له دولت سره د همکارۍ او د ودانیز سکټور د هڅونې په موخه د ساختماني کمپنیو له ټولنې سره د هوکړه لیک لاسلیک، د خوشحال خان مینې د ۸بلاکونو، د قصبې د لمړي فاز د ۷۷بلاکونو بشپړونه او ګټې اخیستنې ته چمتو کول، د عربي متحده اماراتو د ۳۳۳۰استوګنیزو اپاتمانونو بشپړول، د چین هیواد په مرسته د لس زره استوګنیزو واحدونو د رغونې تړون لاسلیک، د قطر هیواد په مرسته د زرو استوګنیزو واحدونو د رغونې تړون لاسلیک او  د نقشو تکمیل یې، د چین هیواد په مرسته د لس زره استوګنیزو واحدونو له  ډلې د کابل په نیله باغ کې د ۱۴۰۰استوګنیزو واحدونو د کار پیلول، په ۱۶ولایتونو لکه: لوگر، کابل، لغمان، بادغیس، دایکندی، غور، سمنگان، سرپل، پکتیکا، بلخ، غزني، فراه، جوزجان، بغلان، میدان وردک او ارزگان کې د اداري او استوګنیزو ساختمانونو رغاونه ، د ولایتي شورا د وادنۍ، د ولسوالیو ودانۍ، د غونډو تالارونه، د تفریحي پارکونو او په سړکونو د قير اچونې  چې ټول ټال ۴۴پروژې کیږي په افغانستان کې د ثبات د ټینګښت ASP برنامې له لاري بشپړې شوې دي.

 د دارالامان او هوايي ډګر د سړکونو پر غاړو د نا پلان شوو سیمو د سمون په موخه سروې شوې، څیړنه او پلان یې ترتیب شوی دی.

د وزارتونو او خپلواکو دولتي ادارو د ۹۰پروژو طرحه او ډېزاین د انسجام دفتر له لوري بشپړ شوی، او  د نورو تدارکاتي مرحلو  لپاره وړاندې شوی دی، د دار الامان تاریخي ماڼۍ د بیا رغونې کار پیلول د هیواد د خپلواکۍ سلمې کلیزې  د نمانځنې په پار د یادې ماڼۍ د لومړي فاز تیارول، د ویفا په نوم له تورکي کمپنۍ سره د پیش ساخت فابریکې د نصب تړون لاسلیک چې د رغونې چاري یې هم پیل شوي  په نیږدي راتلونکو(۸ ) میاشتو کې به نصب او ګټې اخیستنې ته چمتو شي. دغه فابریکه په یوه کال ۱۶۲۰۰۰متره مربع ټوټې پریکاسټونه تولید ولای شي او  د بغلان ولایت په پلخمري، د بلخ او پروان په ځینو سیمو کې د ښي رغونې د پلانونو ترتیب، هغه د پام وړ لاسته راوړنې دي چې د مسکن په عرصه کې د ښار او کورجوړونې وزارت د  اهدافو د تعمیم او پلې کیدنې په لور د پرمختګ  څرکونه بلل کیداي شي. دغه پورته یاد شوي پرمختګونه د خپلو هڅو، عملي کار او زیار د پایلې په دود  ستاسي درنو لوستونکو حضور ته واړندې شول.